http://tropicalpoultryfarming.blogspot.com/
Articles by "MICHEZO"
Twitter Facebook

4:08:00 AM
Philippe Coutinho sasa haiwezekani kujiunga na Barcelona akitokea Liverpool msimu huu wa majira ya joto kwa mujibu wa RAC1 kupitia Mundo Deportivo .
Madau kadhaa ya Barcelona kwa ajili ya mchezaji huyo yamekataliwa na klabu ya Liverpool imesisitiza Mbrazili huyo hauzwi.
Valencia wanakaribia kumsajili kwa mkataba wa mkopo kiungo wa Manchester United Andreas Pereira, kwa mujibu wa  Cadena Ser Valencia .
Pereira alikuwa Granada msimu uliopita na yupo mbioni kurudi kwenye La Liga msimu huu tena.
Kiungo wa Nice Jean-Michael Seri amefikia makubaliano ya mkataba wa miaka minne kujiunga na Barcelona, kwa mujibu wa  L'Equipe.
Bayern Munich wanaangalia uwezekan wa kumsajili mshambuliaji wa Paris Saint-Germain Julian Draxler, kwa mujibu wa  Westdeutsche Allgemeine Zeitung .
Mustakabali wa Drazxler PSG haueleweki kufuatia usajili wa Neymar, na Mjerumani huyo amehusishwana tetesi za kutaka kutua Arsenal, Liverpool na Manchester United.
Arsenal wamempa mkataba mpya wa miaka minne Alex Oxlade-Chamberlain wenye thamani ya paundi 125,000 kwa wiki kumzuia kwenda Chelsea, kwa mujibu wa  Daily Star .
Kylian Mbappe ameachwa kwenye mazoezi ya Monaco baada ya kufanya mabishano na Andrea Raggi Jumanne iliyopita kwa mujibu wa   L'Equipe .
Arsenal wamemtoa Jack Wilshere kwa AC Mila, limeripoti  Corriere dello Sport .
Wilshere amehusishwa na tetesi za kujiunga na klabu hiyo ya Serie A siku za nyuma, lakini mchezaji huyo anasita kuondoka Ligi Kuu Uingereza.
Manchester City itaendelea kumfukuzia Alexis Sanchez hadi mwisho wa dirisha la uhamisho, na wameandaa kitita cha paundi milioni 70 kwa ajili ya nyota huyo wa Arsenal, limeripoti Mirror .
Chelsea wanajipanga kutumia paundi milioni 200 kusajili wachezaji wapya watano ili kutimiza anachokitaka Antonio Conte, kwa mujibu wa Express .
Wachezaji watatu wa Southampton Virgil van Dijk, Cedric Soares na Ryan Bertrand wapo kwenye orodha ya wachezaji anaowataka Conte, kadhalika Danny Drinkwater wa Leicester City na kiungo wa Arsenal Alex Oxlade-Chamberlain.
Nyota wa Paris Saint-Germain Julian Draxler anawaniwa na klabu za Uingereza, Man United, Arsenal na Liverpool ikiwa ataondoka Parc des Princes, kwa mujibu wa  Mirror .
Atletico Madrid imekubali kuilipa Chelsea €55 millioni kwa ajili ya kumnunua Diego Costa, kwa mujibu wa habari.
Costa kwa sasa yupo Brazili baada ya kukataa kurejea Chelsea na klabu pekee anayoitaka kujiunga nayo kwa sasa ni Atletico Madrid.
Liverpool wamekubali kufanya mkutano wa mwisho na Barcelona kuhusu uhamisho wa Philippe Coutinho, kwa mujibu wa Sport .
Klabu hiyo ya Ligi Kuu Uingereza imekataa ofa tele kwa ajili ya mchezaji huyo, ofa ya mwisho ilikuwa euro milioni 125. 
PSG wapo mbioni kutangaza usajili wa Kylian Mbappe kutoka Monaco, kwa mujibu wa habari kutoka  Mundo Deportivo .
Mchezaji huyo mwenye umri wa miaka 19 atakuwa mchezaji wa pili ghali zaidi katika historia, baada ya klabu hiyo ya Paris kumsajili Neymar kwa euro milioni 222.
Real Madrid inataka kumtunuku Marco Asensio mkataba mpya hadi 2023 na kuiongeza bei yake hadi euro mlioni 500, kwa mujibu wa Marca .
Barcelona wametoa ofa ya euro milioni 30 kwa ajili ya kiungo wa Nice Jean Michael Seri katika harakati zao za kutafuta wachezaji wapya, limedai Sport.
Real Madrid imekataa ofa ya euro milioni 75 kwa ajili ya Mateo Kovacic kutoka Juventus, kwa mujibu wa AS .
West Brom wanafikiria kumsajli beki wa Liverpool Mamadou Sakho baada ya Manchester City kuonesha nia ya kumsajili Jonny Evans, kwa mujibu wa BBC .
Sakho anakadiriwa kuwa na thamani ya £30 millioni na Liverpool na aling'ara alipokuwa akitumika kwa mkopo Crystal Palace msimu uliopita baada ya kukataa kujiunga na West Brom.
Real Madrid wanajipanga kutoa dau la paundi milioni 46 kwa ajili ya kipa nambari moja wa Manchester United, David De Gea kwa mujibu wa  The Sun .
Inter imefanya jaribio la kumsajili beki wa Arsenal Shkodran Mustafi kwa uhamisho wa mkopo, kwa mujibu wa GIanlucaDiMarzio.com .
Miamba hao wa Serie A wanataka kuimarisha safu yao ya ulinzi na wanaamini Mjerumani huyo atakuwa suluhisho lao baada ya kumkosa Eliaquim Mangala kutoka Manchester City.
Chelsea watalazimika kukubali fedha kichele katika ofa ya Diego Costa tofauti na ile waliyotarajia wangeipata kwa biashara ya mchezaji huyo, kwa mujibu wa  Sun .
Costa amekuwa tu kama mchezaji wa ziada Darajani, na tetesi zinamhusisha kuwa kwenye mchakato wa kurejea Atletico Madrid.
Lakini miamba hao wa Ligi ya Hispania wapo tayari kulipa paundi milioni 30 tu, ikiwa ni kudogo zaidi ya paundi milioni 50 walizotoa Chelsea kumsajili mshambuliaji huyo.
Arsenal wapo tayari kumsajili Julian Draxler, na PSG wanataka kiasi cha paundi milioni 32 kukamilisha usajili wa mchezaji huyo majira ya joto, kwa mujibu wa The Times . 

Twitter Facebook

3:48:00 AM
Kocha Mkuu wa Simba Joseph Omog, ametamba kwa kusema yeye na wachezaji wake wanatamani kesho iwe leo ili waweze kufanya mauaji iliyokusudia kwa mahasimu wao Yanga.
Kocha huyo amesema kuwa  wapo tayari kuwakabili Yanga na kwa maandalizi waliyofanya haoni kama wapinzani wao wanaweza kuepuka na kichapo.
“Kila mmoja kwenye kambi yetu wakiwepo wachezaji wanatamani kesho iwe leo kwani wamepania kuonyesha heshima ya Simba mpya lakini pia kujitangaza kuwa sisi ndiyo mabingwa wapya wa msimu utakao anza Jumamosi,”amesema Omog.
Pia amesema mechi  za kirafiki walizocheza Afrika Kusini, Dar es Salaam pamoja na Zanzibar zimemsaidia kujua matatizo ya yaliyokuwa yakikisumbua kikosi chake hivyo wanaingia kwenye mchezo na Yanga wakiwa wamekamilika kila idara.
Amesema tatizo la ukame wa mabao pia wamelimaliza na hilo limejionyesha kwenye mchezo wao wa mwisho waliocheza na Gulio ya Zanzibar na kuibuka na ushindi mnono wa mabao 5-0, huo ukiwa ni ushindi mkubwa katika mechi zao zote za kirafiki walizocheza.
Mbali na kupania kuifunga Yanga, lakini lengo kubwa la Omog na mashabiki wa Simba ni kuiona timu yao inatwaa ubingwa wa Ligi Kuu msimu huu baada ya kulikosa taji hilo kwa misimu minne iliyopita.
Twitter Facebook

3:37:00 AM
Wayne Rooney amekuwa mchezaji wa pili kutimiza idadi ya mabao 200 katika Ligi Kuu Uingereza baada ya kufunga dhidi ya Man City usiku wa kuamkia leo  
Rooney mwenye umri wa miaka 31 amefunga bao hilo muhimu katika uwanja wa Manchester City kipindi cha kwanza kabla ya rahim sterling kuisawazishia man city dkika za lala salama na mchezo kuisha kwa sare ya 1-1 
Mwingereza huyo amekuwa mchezaji wa pili kufikisha mabao 200 ligi ya Uingereza, akiungana na gwiji  wa zamani wa Newcastle United Alan Shearer.
Shearer ambaye amestaafu soka, sasa anafanya uchambuzi kwenye kituo cha BBC, alitikisa nyavu mara 260 katika mechi 441, wakati Rooney amefikia idadi ya mabao 200 baada ya mechi 462 za ligi.
Mchezaji huyo wa zamani wa Newcastle kwa haraka alitupia ujumbe wa twitter akimpongeza mshambuliaji huyo wa Everton, aliandika: "It's been lonely in this @premierleague 200 club. Welcome and congratulations @WayneRooney."
Mshambuliaji huyo hadi sasa amefunga katika mechi zote mbili za ligi tangu aliporejea kwenye klabu ya utotoni mwake Everton akitokea Manchester United majira ya joto.
Rooney ameshinda mataji 12 katika kipindi cha miaka 13 alichodumu Old Trafford.
Twitter Facebook

10:36:00 PM

Michuano ya Uefa Uropa Ligi imepigwa jana usiku kwa michezo mbalimbali,Manchester United imeambulia Sare na Fc Rostov bao 1-1 ,Apolia Nicosia wakiwa nyumbani wamechapwa na Anderletch bao 1-0,
Fc Copen hagen imetakata kwa bao 2-1,Celta vigo imeichapa Fc Krasnodar 2-1,shakle imetoshana nguvu na Borussia Monchenglabach 1-1, KAA Gent imechapwa na KRC Genk 5-2, Lyon imeichapa As Roma 4-2 na Olympiakos imetoshana nguvu na Besktas kwa bao 1-1.
Twitter Facebook

9:14:00 PM

Zlatan Ibrahimovic anaamini ameliteka soka la Uingereza ndani ya kipindi cha miezi mitatu tangu alipotua Manchester United.
Mshambulizi huyo wa United amesema hana malengo binafsi yaliyobakia kwake badala yake ameelekeza nguvu na akili zake kushinda ubingwa wa Ligi Kuu Uingereza.
Ibrahimovic, 35 amekuwa na ushawishi mkubwa tangu alipotua Uingereza akitokea Paris Saint-Germain kwa uhamisho huru, magoli yake 13 ya ligi yakimwacha nyuma ya Diego Costa wa Chelsea katika mbio za kuwania kiatu cha dhahabu.
Lakini Ibrahimovic amesisitiza kuwa lengo lake kuu ni kuisaidia United kuendeleza mwendo wao wa ushindi wa mechi tisa katika michuano yote, ligi ikiwa kipaumbele chake kikuu.
Mshambuliaji huyo aliiambia tovuti ya United: “La! Sifukuzii mtu yeyote. Nafukuzia taji kuu – Ligi Kuu.
 “Hilo ndilo dhumuni langu. Mafanikio binafsi huja kama sehemu ya malengo makuu kwa sababu hayo ni kama bonasi kwa kila mchezaji binafsi.
“Sina malengo binafsi kwa sababu nimeshayafanya, baada ya miezi mitatu katika Uingereza. Imenichukua miezi mitatu kuiteka Uingereza.
“Ikiwa kwa pamoja tunafanya vizuri, kila mtu atafanya vizuri binafsi. Najaribu kuisaidia timu na ninajaribu kufanya kile ninachokimudu zaidi – kufunga magoli, kucheza vizuri na kutengeneza nafasi kwa ajili ya wachezaji wenzangu.
United inakabiliwa na mtihani mkubwa katika mechi yao ya Jumapili dhidi ya Liverpool, na Ibrahimovic ameweka bayana kuwa lengo lao kuu ni kupunguza pengo la pointi dhidi ya timu hiyo ya Jurgen Klopp.
 “Mwezi mmoja na nusu uliopita umejidhihirisha wenyewe, pengo lilikuwa kubwa lakini sasa hali ni nzuri,” alisema.
“Tutawapa kazi kubwa sana kwa sababu nadhani duru la pili la msimu ndilo gumu zaidi. Najua tunachokitaka.
“Tuna mabonde na milima yetu tunaposhinda na kushindwa. Hivi karibuni tumekuwa tukishinda tumekuwa timu thabiti zaidi.
 “Kocha amepata kanuni nzuri, ambayo si rahisi unapokuja kama kocha mpya kwenye timu mpya na unataka kutumia falsafa yako, na aina ya uchezaji unaoutaka.
“Nilisema hapo mwanzo – pole pole, tutaimarika na mambo yamekuwa.”
Twitter Facebook

8:58:00 PM

Arsene Wenger ametangaza habari njema kuwa wachezaji hao watatu muhimu wamesaini mkataba mpya huku Ozil na Sanchez wakisuasua

Olivier Giroud, Laurent Koscielny na Francis Coquelin wamesaini mkataba mpya kuendelea kuitumikia Arsenal, klabu hiyo imetangaza.
Wafaransa hao watatu wamekuwa watu muhimu katika kikosi cha Arsene Wenger misimu ya hivi karibuni, na Giroud akiwa kinara wa mabao wa klabu hiyo msimu uliopita na Koscielny akiwa mhimili mkuu wa beki nne.
“Tuna furaha kubwa kwamba wachezaji muhimu wa timu yetu wamesaini mkataba mpya wa muda mrefu,” alisema Wenger.
“Francis ameimarika sana kiufundi miaka kadhaa iliyopita kwa sababu anajituma kila siku.
“Olivier ana uzoefu mkubwa kwenye soka sasa na amekuwa zaidi na zaidi mchezaji kamili tangu alipojiunga nasi. Laurent ni mchezaji muhimu sana wa kikosi chetu na naamini ni miongoni mwa mabeki bora wa dunia leo hii. Kwa hiyo, kwa ujumla hizi ni habari njema kwetu.”
Habari hizi zimekuja kukiwa bado na utata juu ya mustakabali wa Mesut Ozil na Alexis Sanchez ambao wanahitaji mishahara mikubwa kufanya mkataba mpya na Washika Mtutu hao wa London.wamesaini mkataba mpya kuendelea kuitumikia Arsenal, klabu hiyo imetangaza.
Wafaransa hao watatu wamekuwa watu muhimu katika kikosi cha Arsene Wenger misimu ya hivi karibuni, na Giroud akiwa kinara wa mabao wa klabu hiyo msimu uliopita na Koscielny akiwa mhimili mkuu wa beki nne.
“Tuna furaha kubwa kwamba wachezaji muhimu wa timu yetu wamesaini mkataba mpya wa muda mrefu,” alisema Wenger.
“Francis ameimarika sana kiufundi miaka kadhaa iliyopita kwa sababu anajituma kila siku.
“Olivier ana uzoefu mkubwa kwenye soka sasa na amekuwa zaidi na zaidi mchezaji kamili tangu alipojiunga nasi. Laurent ni mchezaji muhimu sana wa kikosi chetu na naamini ni miongoni mwa mabeki bora wa dunia leo hii. Kwa hiyo, kwa ujumla hizi ni habari njema kwetu.”
Habari hizi zimekuja kukiwa bado na utata juu ya mustakabali wa Mesut Ozil na Alexis Sanchez ambao wanahitaji mishahara mikubwa kufanya mkataba mpya na Washika Mtutu hao wa London.
Twitter Facebook

9:47:00 PM

Usiku wa kuamkia leo  timu ya nahodha wa timu ya taifa ya Tanzania Taifa Stars anayecheza soka la kulipwa ya KRC Genk ya Ubelgiji Mbwana Samatta ilicheza mchezo wake wa tano wa hatua ya Makundi ya UEFA Europa League dhidi ya timu ya Rapid Wien ya Austria.
KRC Genk katika mchezo huo wa tano walikuwa nyumbani katika uwanja wao wa Luminus, Genk wakiwa nyumbani walifanikiwa kuutawala mchezo kwa asilimia 55 dhidi ya wageni wao Rapid Wien, kitu ambacho kimewasaidia kuibuka na ushindi wa goli 1-0 lililofungwa na Nikolaos Karelis dakika ya 11.
Kwa matokeo hayo Genk na Atletico Bilbao wanafuzu hatua inayofuata kutokana na wote kuwa na point 9 wakati Rapid Wien na Sassuolo ya Italia watakuwa wanasubiri mchezo wa mwisho wa kukamilisa ratiba, maana hata wakishinda watakuwa na point nane kila mmoja, point ambazo hazitoshi kuipiku Genk wala Atletico Bilbao.
kwingineko Wayne Rooney ameweka rekodi ya kufunga magoli mengi ndani ya Manchester United kwenye michuano ya Ulaya wakati wakitoa kichapo cha magoli 4-0 mbele ya Feyenoord na kuendelea kuweka matumaini ya kusonga mbele kwenye michuano ya Europa League.
Nahodha huyo wa mashetani wekundu alifunga bao lake la 39 kwenye michuano ya Ulaya ndani ya klabu yake wakati akiunganisha pasi ya Zlatan Ibrahimovic  na kuwaacha wachezaji wa Feyenoord wakilaumu kuwa mfungaji alikuwa kwenye eneo la offside.
Rooney akatengeneza bao la pili ambalo lilifungwa na Juan Mata
Baadaye golikipa wa zamani wa Liverpool alijifunga wakati akiwa katika harakati za kuokoa krosi ya Ibrahimovic kabla ya Jesse Lingard kufunga biashara dakika majeruhi na kumpa Jose Mourinho ushindi mkubwa akiwa kama bosi wa United.
Sare au ushindi wa ugenini dhidi ya Zorya Luhansk kwenye mchezo wa mwisho wa Kundi A siku ya Alhamisi Disemba 8, itaifanya United kufuzu hadi hatua ya 32 bora.
Kipigo hiki ndio kikubwa kwa Feyenoord kwenye Uefa Cup/Europa League. Walipoteza 5-1 dhidi ya Borussia Monchengladbach mwaka 1986.
Juan Mata amefunga mfululizo kwenye mechi za United kwa mara ya kwanza tangu Septemba 2015.
United walipiga mashuti 12 yaliyolenga goli (shots on target) dhidi ya Feyenoord, mashuti yao mengi zaidi ndani ya mchezo mmoja kwenye michuano yote msimu huu.
Feyenoord, wameshinda mechi moja tu kati ya mechi zao saba zilizopita walizocheza England kwenye michuano ya Ulaya (D2 L4).
United hawajapoteza mechi 14 za mashindano ya Ulaya kwenye uwanja wa Old Trafford (pamoja na mechi za kufuzu), wameshinda mechi zote tatu za hatua ya makundi msimu huu.
MATOKEO MENGINE

Twitter Facebook

7:36:00 AM

Uchunguzi dhidi ya waamuzi Martin Saanya, Samuel Mpenzu (mechi ya Yanga Vs Simba), Thomas Mkombozi (mechi ya Coastal Union Vs KMC) na Rajab Mrope (mechi ya Mbeya City na Yanga) umekaribia kukamilika. 
Hatua ya mwisho ya uchunguzi huo ni wao kufika mbele ya Kamati ya Uendeshaji na Usimamizi wa Ligi (Kamati ya Saa 72) ambapo watahojiwa ili kutoa ufafanuzi katika masuala mbalimbali yaliyojitokeza katika taarifa zao. 
MATUKIO YA LIGI KUU
Mchezo namba 90 (Simba Vs Toto Africans). Klabu ya Toto Africans imepewa onyo kali kutokana na timu yake kuchelewa kufika uwanja kwa dakika saba. Adhabu hiyo ni kwa mujibu wa Kanuni ya 14(48) ya Ligi Kuu. 
Mechi namba 99 (Mwadui Vs Simba). Klabu zote mbili zimepigwa faini ya sh. 500,000 kila moja kwa timu zao kuingia uwanjani kwa kutumia mlango wa washabiki, kitendo ambacho ni kinyume na Kanuni ya 14(14) ya Ligi Kuu. Adhabu hiyo imezingatia Kanuni ya 14(48). 
Mechi namba 101 (Ruvu Shooting Vs Stand Utd). Ndanda FC imepigwa faini ya sh. 500,000 kwa kosa la timu yake kuingia uwanjani kwa kutumia mlango usio rasmi,  kitendo ambacho ni kinyume na Kanuni ya 14(14) ya Ligi Kuu. Adhabu hiyo imezingatia Kanuni ya 14(48). 
Nayo Ruvu Shooting ambayo ilikuwa uwanja wa nyumbani, imepigwa faini ya sh. 500,000 kwa kuchelewa kuingia uwanjani kwa dakika 15. Kitendo hicho ni ukiukwaji wa Kanuni ya 14(9) ya Ligi Kuu, na adhabu ni kwa mujibu wa Kanuni ya 14(48). 
Mechi namba 104 (JKT Ruvu Vs Ndanda). Klabu ya Stand United imepewa onyo kali baada ya wachezaji wake kufanya vurugu wakitaka kuingia uwanjani bila ya kuwa na uthibitisho kuwa wao ni wachezaji wa timu hiyo wakati wa mechi kati ya JKT Ruvu na Ndanda iliyofanyika Uwanja wa Mabatini mkoani Pwani. Kitendo hicho ni kinyume na Kanuni ya 42(1). 
Mechi namba 112 (Majimaji Vs JKT Ruvu). Daktari wa JKT Ruvu, Abdullah Yusuf amefungiwa miezi mitatu, na kupigwa faini ya sh. 300,000 baada ya kutolewa kwenye benchi la ufundi kwa kusababisha usumbufu kwa Mwamuzi Msaidizi Namba Moja, na kuwatolea maneno machafu Mwamuzi na Mwamuzi wa Akiba. Adhabu hiyo imezingatia Kanuni ya 41(2). 
Mtaalamu wa viungo wa JKT Ruvu, George Minja amefungiwa miezi mitano na kupigwa faini ya sh. 300,000 kwa kumvamia Mwamuzi akitaka kumpiga, na pia kutoa lugha ya matusi kwa waamuzi baada ya mechi hiyo. Adhabu ni kwa mujibu wa Kanuni ya 41(2). 
Nao wachezaji wa JKT Ruvu, Said Kipao jezi namba moja, Samwel Kamuntu (22), Pela Mavuo (16) na paul Mhidzhe (23) wamefungiwa mechi tatu na faini ya sh. 500,000 kila mmoja kwa kuwatukana waamuzi baada ya mchezo kumalizika. Adhabu imezingatia Kanuni ya 37(7).
Mechi namba 116 (Mbao FC Vs Azam FC). Kocha wa Azam FC, Zeben Hernandez amefungiwa mechi tatu na faini ya sh. 500,000 baada ya kuondolewa kwenye benchi la ufundi (ordered off) kwa kukataa kuheshimu mipaka ya eneo la ufundi (technical area) katika mechi hiyo. Adhabu imezingatia Kanuni ya 40(11). 
Mechi namba 117 (Ndanda Vs Stand Utd). Katika mechi hiyo kadri muda ulivyokuwa ukienda ball boyz walichelewesha kurudisha mipira uwanjani, na mbaya zaidi mipira ilikuwa ikifichwa kiasi cha kubaki miwili kati ya sita iliyokuwepo. Msimamizi wa Kituo ameandikiwa barua ili ahakikishe suala hilo halijitokezi tena. 
Mechi namba 59 (Yanga Vs Ruvu Shooting). Timu ya Ruvu Shooting imepewa onyo kali kwa kuchelewa kuingia uwanjani kwa dakika 12, jambo ambalo ni kinyume cha Kanuni ya 14(14) ya Ligi Kuu. 
Kocha wa Yanga, Hans van Pluijm amepigwa faini ya sh. 500,000 na kufungiwa mechi tatu baada ya wakati wa mapumziko kuwazonga waamuzi na kuwatolea maneno ya kashfa. Pia baada ya mechi kumalizika alikwenda kwenye chumba cha waamuzi na kuwatolea maneno ya kashfa. Adhabu hiyo ni kwa uzingativu wa Kanuni ya 40(1). 
Klabu ya Yanga imepigwa faini ya sh. 500,000 baada ya washabiki wake kuwazonga waamuzi na kuwatolea maneno ya kashfa walipokuwa wakiingia vyumbani wakati wa mapumziko. Adhabu hiyo ni kwa mujibu wa Kanuni ya 42(1).
 Mechi namba 60 (Tanzania Prisons Vs Simba). Klabu ya Simba imepigwa faini ya sh. 500,000 kutokana na timu yake kuchelewa kwenye kikao cha maandalizi ya mechi (pre match meeting) na kufika wakati taratibu zote za msingi zikiwa zimemalizika. Adhabu hiyo ni kwa mujibu wa Kanuni ya 14(3) ya Ligi Kuu. 
Klabu zote (Tanzania Prisons na Simba) zimepigwa faini ya sh. 500,000 kila moja kwa timu zao kuingia uwanjani kwa milango isiyo rasmi. Kitendo hicho ni kinyume cha Kanuni ya 14(14), na adhabu imezingatia Kanuni ya 14(48).
 Pia Tanzania Prisons imepigwa faini ya sh. 500,000 baada ya gari la Jeshi la Magereza namba MT 0084 aina ya Toyota Land Cruiser Pick Up likiwa na watu 15 kuingia uwanjani kwa nguvu, na kusababisha kupigwa na kuumizwa kwa mlinzi wa getini. Adhabu ni kwa mujibu wa Kanuni ya 42(1). 
Kamishna wa mechi hiyo Jimmy Lengwe kutoka Morogoro amepewa onyo kali kwa kutoripoti baadhi ya matukio ya wazi yaliyotokea kabla ya mechi hiyo kuanza.
Twitter Facebook

10:14:00 PM

KLABU ya Simba imesema kuwa imewabaini wachezaji wake waliocheza chini ya kiwango hadi timu hiyo kupoteza mechi mbili mfululizo katika Ligi Kuu Tanzania Bara.
Simba ambayo tangu kuanza kwa ligi hiyo Agosti ilikuwa haijafungwa hadi wiki moja iliyopita ilipopata vipigo mfululizo, imesema itawachukulia hatua wachezaji hao.
Mwenyekiti wa Kamati ya Usajili ya Simba, Zacharia Hans Poppe amesema timu yao ilipoteza mechi hizo mbili baada ya baadhi ya wachezaji kucheza chini ya kiwango.
Amesema timu yao itawachukulia hatua za kinidhamu wachezaji hao waliocheza chini ya kiwango.
Awali, timu hiyo ilipokea kichapo cha kushtua cha bao 1-0 kutoka kwa timu iliyopanda daraja ya African Lyon kwenye Uwanja wa Uhuru kabla ya kulambwa 2-1 na Prisons ya Mbeya kwenye Uwanja wa Kumbukumbu ya Sokoine.
Hatahivyo, Hans Poppe hakuwataja wachezaji hao wanaodaiwa kucheza chini ya kiwango na kusababisha timu hiyo inayoongoza ligi kupunguza pointi hadi kubaki mbili dhidi ya watani wao Yanga.
Kimsimamo, Simba wana pointi 35 wakati Yanga sasa wamefikisha pointi 33 na kubakisha pointi mbili tu kabla ya kuikuta Simba.
Aidha, Simba pia imedai kuwa timu yao imekuwa ikifungwa kutokana na mbinu chafu za nje ya uwanja.
Akinukuliwa katika mtandao mmoja, Hans Poppe alisema baada ya mwanzo mzuri katika Ligi Kuu, ikiwemo kuwazuia mabingwa watetezi, Yanga kwa sare ya 1-1 wapinzani wao wakaanza mchezo mchafu.
“Hebu jiulizeni, Simba ni timu nzuri tangu mwanzo inacheza vizuri na kushinda, Tumecheza mechi na hao mabingwa, tukiwa pungufu baada ya Mkude (Jonas) kutolewa kwa kadi nyekundu, lakini tukasawazisha bao na refa akakataa bao letu lingine. Iweje ghafla tufungwe mechi mbili mfululizo?” alihoji.
Alisema kuna mbinu chafu zinazofanywa na wapinzani wao na hayo yamekuwa yakijirudia kwa miaka mitano sasa, jambo ambalo ni hatari kwa soka la Tanzania.
Simba SC ilianza vyema Ligi Kuu na kuongoza kwa muda mrefu ikicheza mechi 13 bila kupoteza, ikishinda 11 na sare mbili. Lakini ghafla kibao kikageuka kwenye raundi mbili za mwisho na timu hiyo ikapoteza mechi mbili mfululizo.
Hatahivyo, pamoja na kufungwa mechi mbili mfululizo Simba bado imemaliza duru la kwanza ikiwa kileleni mwa msimamo wa ligi hiyo inayoshirikisha timu 16.
Twitter Facebook

9:35:00 PM
Nyota wa Real Madrid Cristiano Ronaldo amesema anaweza kuendelea kucheza soka kwa miaka kumi zaidi baada ya kusaini mkataba mpya na klabu yake.
Ronaldo Mwenye umri wa miaka 31 mkabata wake ulikua unamalizika mwezi Juni 2018, lakini mkataba mpya aliosaini utamuweka kwa miamba hao wa soka wa Hispania mpaka Juni 2021.
Mchezaji huyu amesema "Nilichokua nakitaka ni kuendelea kufurahia kucheza kwa miaka iliyobaki. na bado nina miaka kumi,"
Nyota huyu amefunga mabao 371, toka alipojiunga na Real Madrid akitokea Manchester United, mwaka 2009.
Ronaldo ameisaidia Real Madrid, kutwaa ubingwa wa ulaya mara mbili, ubingwa wa la Liga na mataji mengine.
Twitter Facebook

2:22:00 AM

Zlatan Ibrahimovic ataukosa mchezo ujao wa Ligi ya England kati ya Manchester United na Arsenal
Straika huyo jana alipata kadi ya tano kwenye ligi katika mchezo ambao United ilishinda 3-1 dhidi ya Swansea, hivyo kutoruhusiwa kucheza mchezo dhidi ya Arsenal utakaofanyika Novemba 19.
Ibrahimovic, 35, jana alimaliza ukame wa mabao kwake na kwa timu yake baada ya kufunga mabao mawili katika ushindi wa mabao 3-1.
Msweden huyo alipata kadi hiyo ya njano baada ya kumfanyia faulo ya kizembe Leroy Fer mnamo dakika ya 76 ya mchezo.
Zlatan ndiye kinara wa uchezaji faulo kwenye Premier League mpaka sasa akiwa amecheza faulo mara 26, kitu ambacho ni mara chache sana kutokea kwa straika.
“Nilidhani ukiwa kwenye Ligi ya England unacheza rafu tu, hicho ndicho nilichokuwa nikisikia kabla ya kuja hapa,” aliwatania wanahabari. “Kila mara ninapocheza rafu basi nimekuwa nikipewa kadi ya njano.”
Kutokuwepo kwa Zlatan kutapelekea Mourinho kufanya mabadiliko na kumchezesha Marcus Rashford kwenye nafasi hiyo ya ushambuliaji wa kati.
Twitter Facebook

4:28:00 AM

Shirikisho la soka barani Africa (Confederation of African Football) lipo mbioni kufanya uchunguzi kufatia madai ya Congo fanya udanganyifu kwa kumchezesha mchezaji anayedhaniwa kuvuka umri kwenye mechi za kuwania kufuzu fainali za mataifa ya Afrika kwa vijana wa U17.
Congo-Brazzaville imefanikiwa kufuzu fainali hizo zitakazofanya mwaka ujao huko Madagascar baada ya kuiondosha Tanzania raundi ya mwisho ya kuwania kufuzu.
Laikini Tanzania ilipeleka malalamiko yake ikidai wapinzani wao kutumia wachezaji waliovuka umri uliowekwa na Caf kwenye mashindano husuka.
Shirikisho la soka Tanzania (TFF) liliindikia Caf likitaka wachezaji wanaolalamikiwa kuvuka umri wafanyiwe vipimo vya kuhakiki umri wao.
Kwa upande wao Caf wamemtaja mchezaji mmoja Langa-Lesse Bercy kwa ajili ya kumfanyia vipimo kwasababu Namibia (litolewa na Congo) waliwahi kulalamikia umri wa mchezaji huyo.
Mkurugenzi wa tiba wa Caf Dr Boubakary Sidiki amethibitisha kwa kuiandikia barua TFF kwamba, Bercy ambaye alifunga magoli dhidi ya Namibia na Tanzania na kuisaidia nchi yake kufuzu, atafanyiwa vipimo November 18 jijini Cairo, Misri.
Bercy atasafiri hadi Misri aiambatana na daktari wake wakati TFF pia watatuma madaktari wao kwa ajili ya kushuhudia zoezi hilo la upimwaji wa mchezaji anayelalamikiwa.
TFF pia watalipia gharama zote zitakazohitajikana Caf.
Kwa mujibu wa kanuni za Caf, udanganyifu wa umri ni kosa ambalo linapelekea nchi husika kufungiwa miaka mitatu kushiriki mashindano ya umri husika.
Nchi nne zitakazofanikiwa kucheza nusu fainali ya mashindano hayo, zitakuwa zimefuzu kucheza fainali za Kombe la Dunia chini ya miaka 17 zitakazofanyika India.
Twitter Facebook

3:29:00 AM
Kabla ya ligi ya wanawake nchini Afrika Kusini, kampuni ya masuala ya petroli iitwayo Sasol walikuwa wadhamini wakuu (official sponsor) wa timu ya taifa ya wanawake wa nchi hiyo maarufu kama Banyana Banyana. Mafanikio ya Banyana Banyana yalikuwa chanzo cha chama cha soka nchini humo (SAFA) kuishawishi Sasol juu ya uwanzishwaji wa ligi kuu ya wanawake jambo ambalo lifanikiwa mwaka 2009.

Sasol walikubali kuwa mdhamini wa ligi ya juu kwa upande wa wanawake, pia benki ya ABSA ambayo ni mdhamini kwa upande wa ligi ya wanaume PSL wakaingia mkataba wa kudhamini ligi ya kanda kwa upande wa wanawake (regional League) ambapo bingwa wa pamoja na mshindi wa pili wanapanda kwenda ligi kuu.

Baada ya miaka mitatu (3) kupita tangu Sasol kudhamini ligi ya wanawake, Banyana Banyana wakafaikiwa kucheza mashindano ya Olympic yaliyofanyika nchini Uingereza mwaka 2012. Pia ABSA kupitia regional league wamechangia kuzalisha wachezaji wengi, zaidi ya timu 144 huwa zinashiriki kupitia kanda 16.

Wakati SAFA waliweza kuishawishi Sasola pamoja na ABSA kuanzisha ligi ya wanawake kupitia mafanikio ya Banyana Banyana, shirikisho la mpira wa miguu Tanzania TFF wametangaza ligi ya wanawake kuanza rasmi November 1 mwaka huu huku wakiziacha timu zikiwa kama yatima.

Huko Mwanza moja ya timu imeanza kuchangiwa hadi maji ya kunywa, TFF hawajali kuhusu hili.  Taarifa rasmi kutoka shirikisho ni kwamba hakutokuwa na zawadi kwa bingwa wala wachezaji ambao watafanya vizuri kwenye ligi hiyo.

Vyama vya mikoa vimebebeshwa mzigo wa kuziangalia timu pamoja na kuandaa michezo. Kama hivi vyama vya mikoa ndio zimekuwa chanzo cha malalamiko juu ya upangaji matokeo kwenye ligi daraja la kwanza, je kuwakabidhi ligi vyama vya mikoa sio kutambulisha tena upendeleo na upangaji matokeo?

Sote tunajua kama mpira umekuwa ni ajira, je bila ya wadhamini wachezaji watalipwa vipi pia watasafiri vipi hali ya kuwa vyama vya mikoa vina hali mbaya? Ni ngumu kupata ligi ya ushindani wa kweli kama timu kiuchumi hazipo imara.

Ilikuwa wakati sahihi TFF kutumia mafanikio ya Kilimanjaro Queens ambayo wameyapata kwenye CECAFA ambayo ilifanyika nchini Uganda kama moja ya kishawishi kutafuta wadhamini ambao wangesaidia kupatikana kwa ligi bora ya wanawake.

Kucheza kwa kujitolea tutakuwa bado tunajidanganya, hatutoweza kupata ushindani wa kweli kupitia ligi ya ridhaa.

Contact Form

Name

Email *

Message *

CHARLES CHAMI. Powered by Blogger.
Javascript DisablePlease Enable Javascript To See All Widget