SKYCHAMI

"Amiri jeshi mkuu wa mapinduzi ya Cuba alifariki dunia mwendo wa saa 22:29 usiku huu (03:29 GMT Jumamosi)," Rais Raul Castro ametangaza.

Fidel Castro alitawala Cuba kama taifa la chama kimoja kwa karibu miaka 50 kabla ya kakake Raul kuchukua hatamu 2008.

Wafuasi wake walisema alikuwa ameirejesha Cuba kwa wananchi.

Lakini alituhumiwa pia kwa kuwakandamiza wapinzani.

Chini ya uongozi wa Fidel Castro, Cuba ilikuwa na uhusiano maalum na Afrika.

Katika miaka ya 1970 na 80, maelfu ya madaktari na walimu walikwenda Afrika na idadi sawa ya askari wa Cuba walipelekwa huko kuingilia kati migogoro na wakala wa vita baridi hasa nchini Angola.

Akitoa tangazo la kifo cha kakake, Rais Castro, aliyeonekana kuhuzunika sana, aliambia taifa kwenye tangazo la moja kwa moja kupitia runinga usiku kwamba Fidel Castro alikuwa amefariki na mwili wake utachomwa Jumamosi.

Kutakuwa na siku kadha za maombolezo ya kitaifa katika kisiwa hicho.

Raul Castro alihitimisha tangazo lake kwa kutamka kauli mbiu ya mapinduzi ya Cuba: "Twaelekea kwenye ushindi, daima!"

Kando na kuandika mara kwa mara gazetini, Fidel Castro alikuwa amestaafu kutoka kwenye siasa kwa muda mrefu, mwandishi wa BBC Will Grant aliyepo Havana anaripoti.

Mwezi Aprili, Fidel Castro alitoa hotuba nadra siku ya mwisho ya mkutano mkuu wa Chama cha Kikomunisti.

Alikiri kwamba alikuwa amezeeka sana lakini akasema maadili ya kikomunisti kwa Cuba bado yana maana na kwamba raia "watashinda".

"Karibuni nitatimiza miaka 90," rais huyo wa zamani alisema, na kuongeza kwamba ni "jambo ambalo sikuwahi kulifikiria lingetimia".

"Hivi karibuni, nitakuwa kama hao wengine wote, "kwetu sote, wakati wetu lazima utafika"", Castro alisema.

Castro alikabidhi madaraka kwa muda kwa kakake mwaka 2006 alipokuwa anaugua maradhi ya utumbo.

Raul Castro alikabidhiwa rasmi madaraka ya urais miaka miwili baadaye.

Chanzo BBC

Usiku wa kuamkia leo  timu ya nahodha wa timu ya taifa ya Tanzania Taifa Stars anayecheza soka la kulipwa ya KRC Genk ya Ubelgiji Mbwana Samatta ilicheza mchezo wake wa tano wa hatua ya Makundi ya UEFA Europa League dhidi ya timu ya Rapid Wien ya Austria.

KRC Genk katika mchezo huo wa tano walikuwa nyumbani katika uwanja wao wa Luminus, Genk wakiwa nyumbani walifanikiwa kuutawala mchezo kwa asilimia 55 dhidi ya wageni wao Rapid Wien, kitu ambacho kimewasaidia kuibuka na ushindi wa goli 1-0 lililofungwa na Nikolaos Karelis dakika ya 11.

Kwa matokeo hayo Genk na Atletico Bilbao wanafuzu hatua inayofuata kutokana na wote kuwa na point 9 wakati Rapid Wien na Sassuolo ya Italia watakuwa wanasubiri mchezo wa mwisho wa kukamilisa ratiba, maana hata wakishinda watakuwa na point nane kila mmoja, point ambazo hazitoshi kuipiku Genk wala Atletico Bilbao.

kwingineko Wayne Rooney ameweka rekodi ya kufunga magoli mengi ndani ya Manchester United kwenye michuano ya Ulaya wakati wakitoa kichapo cha magoli 4-0 mbele ya Feyenoord na kuendelea kuweka matumaini ya kusonga mbele kwenye michuano ya Europa League.

Nahodha huyo wa mashetani wekundu alifunga bao lake la 39 kwenye michuano ya Ulaya ndani ya klabu yake wakati akiunganisha pasi ya Zlatan Ibrahimovic  na kuwaacha wachezaji wa Feyenoord wakilaumu kuwa mfungaji alikuwa kwenye eneo la offside.

Rooney akatengeneza bao la pili ambalo lilifungwa na Juan Mata

Baadaye golikipa wa zamani wa Liverpool alijifunga wakati akiwa katika harakati za kuokoa krosi ya Ibrahimovic kabla ya Jesse Lingard kufunga biashara dakika majeruhi na kumpa Jose Mourinho ushindi mkubwa akiwa kama bosi wa United.

Sare au ushindi wa ugenini dhidi ya Zorya Luhansk kwenye mchezo wa mwisho wa Kundi A siku ya Alhamisi Disemba 8, itaifanya United kufuzu hadi hatua ya 32 bora.

Kipigo hiki ndio kikubwa kwa Feyenoord kwenye Uefa Cup/Europa League. Walipoteza 5-1 dhidi ya Borussia Monchengladbach mwaka 1986.

Juan Mata amefunga mfululizo kwenye mechi za United kwa mara ya kwanza tangu Septemba 2015.

United walipiga mashuti 12 yaliyolenga goli (shots on target) dhidi ya Feyenoord, mashuti yao mengi zaidi ndani ya mchezo mmoja kwenye michuano yote msimu huu.

Feyenoord, wameshinda mechi moja tu kati ya mechi zao saba zilizopita walizocheza England kwenye michuano ya Ulaya (D2 L4).

United hawajapoteza mechi 14 za mashindano ya Ulaya kwenye uwanja wa Old Trafford (pamoja na mechi za kufuzu), wameshinda mechi zote tatu za hatua ya makundi msimu huu.

MATOKEO MENGINE

Uchunguzi dhidi ya waamuzi Martin Saanya, Samuel Mpenzu (mechi ya Yanga Vs Simba), Thomas Mkombozi (mechi ya Coastal Union Vs KMC) na Rajab Mrope (mechi ya Mbeya City na Yanga) umekaribia kukamilika. 

Hatua ya mwisho ya uchunguzi huo ni wao kufika mbele ya Kamati ya Uendeshaji na Usimamizi wa Ligi (Kamati ya Saa 72) ambapo watahojiwa ili kutoa ufafanuzi katika masuala mbalimbali yaliyojitokeza katika taarifa zao. 

MATUKIO YA LIGI KUU

Mchezo namba 90 (Simba Vs Toto Africans). Klabu ya Toto Africans imepewa onyo kali kutokana na timu yake kuchelewa kufika uwanja kwa dakika saba. Adhabu hiyo ni kwa mujibu wa Kanuni ya 14(48) ya Ligi Kuu. 

Mechi namba 99 (Mwadui Vs Simba). Klabu zote mbili zimepigwa faini ya sh. 500,000 kila moja kwa timu zao kuingia uwanjani kwa kutumia mlango wa washabiki, kitendo ambacho ni kinyume na Kanuni ya 14(14) ya Ligi Kuu. Adhabu hiyo imezingatia Kanuni ya 14(48). 

Mechi namba 101 (Ruvu Shooting Vs Stand Utd). Ndanda FC imepigwa faini ya sh. 500,000 kwa kosa la timu yake kuingia uwanjani kwa kutumia mlango usio rasmi,  kitendo ambacho ni kinyume na Kanuni ya 14(14) ya Ligi Kuu. Adhabu hiyo imezingatia Kanuni ya 14(48). 

Nayo Ruvu Shooting ambayo ilikuwa uwanja wa nyumbani, imepigwa faini ya sh. 500,000 kwa kuchelewa kuingia uwanjani kwa dakika 15. Kitendo hicho ni ukiukwaji wa Kanuni ya 14(9) ya Ligi Kuu, na adhabu ni kwa mujibu wa Kanuni ya 14(48). 

Mechi namba 104 (JKT Ruvu Vs Ndanda). Klabu ya Stand United imepewa onyo kali baada ya wachezaji wake kufanya vurugu wakitaka kuingia uwanjani bila ya kuwa na uthibitisho kuwa wao ni wachezaji wa timu hiyo wakati wa mechi kati ya JKT Ruvu na Ndanda iliyofanyika Uwanja wa Mabatini mkoani Pwani. Kitendo hicho ni kinyume na Kanuni ya 42(1). 

Mechi namba 112 (Majimaji Vs JKT Ruvu). Daktari wa JKT Ruvu, Abdullah Yusuf amefungiwa miezi mitatu, na kupigwa faini ya sh. 300,000 baada ya kutolewa kwenye benchi la ufundi kwa kusababisha usumbufu kwa Mwamuzi Msaidizi Namba Moja, na kuwatolea maneno machafu Mwamuzi na Mwamuzi wa Akiba. Adhabu hiyo imezingatia Kanuni ya 41(2). 

Mtaalamu wa viungo wa JKT Ruvu, George Minja amefungiwa miezi mitano na kupigwa faini ya sh. 300,000 kwa kumvamia Mwamuzi akitaka kumpiga, na pia kutoa lugha ya matusi kwa waamuzi baada ya mechi hiyo. Adhabu ni kwa mujibu wa Kanuni ya 41(2). 

Nao wachezaji wa JKT Ruvu, Said Kipao jezi namba moja, Samwel Kamuntu (22), Pela Mavuo (16) na paul Mhidzhe (23) wamefungiwa mechi tatu na faini ya sh. 500,000 kila mmoja kwa kuwatukana waamuzi baada ya mchezo kumalizika. Adhabu imezingatia Kanuni ya 37(7).

Mechi namba 116 (Mbao FC Vs Azam FC). Kocha wa Azam FC, Zeben Hernandez amefungiwa mechi tatu na faini ya sh. 500,000 baada ya kuondolewa kwenye benchi la ufundi (ordered off) kwa kukataa kuheshimu mipaka ya eneo la ufundi (technical area) katika mechi hiyo. Adhabu imezingatia Kanuni ya 40(11). 

Mechi namba 117 (Ndanda Vs Stand Utd). Katika mechi hiyo kadri muda ulivyokuwa ukienda ball boyz walichelewesha kurudisha mipira uwanjani, na mbaya zaidi mipira ilikuwa ikifichwa kiasi cha kubaki miwili kati ya sita iliyokuwepo. Msimamizi wa Kituo ameandikiwa barua ili ahakikishe suala hilo halijitokezi tena. 

Mechi namba 59 (Yanga Vs Ruvu Shooting). Timu ya Ruvu Shooting imepewa onyo kali kwa kuchelewa kuingia uwanjani kwa dakika 12, jambo ambalo ni kinyume cha Kanuni ya 14(14) ya Ligi Kuu. 

Kocha wa Yanga, Hans van Pluijm amepigwa faini ya sh. 500,000 na kufungiwa mechi tatu baada ya wakati wa mapumziko kuwazonga waamuzi na kuwatolea maneno ya kashfa. Pia baada ya mechi kumalizika alikwenda kwenye chumba cha waamuzi na kuwatolea maneno ya kashfa. Adhabu hiyo ni kwa uzingativu wa Kanuni ya 40(1). 

Klabu ya Yanga imepigwa faini ya sh. 500,000 baada ya washabiki wake kuwazonga waamuzi na kuwatolea maneno ya kashfa walipokuwa wakiingia vyumbani wakati wa mapumziko. Adhabu hiyo ni kwa mujibu wa Kanuni ya 42(1).

 Mechi namba 60 (Tanzania Prisons Vs Simba). Klabu ya Simba imepigwa faini ya sh. 500,000 kutokana na timu yake kuchelewa kwenye kikao cha maandalizi ya mechi (pre match meeting) na kufika wakati taratibu zote za msingi zikiwa zimemalizika. Adhabu hiyo ni kwa mujibu wa Kanuni ya 14(3) ya Ligi Kuu. 

Klabu zote (Tanzania Prisons na Simba) zimepigwa faini ya sh. 500,000 kila moja kwa timu zao kuingia uwanjani kwa milango isiyo rasmi. Kitendo hicho ni kinyume cha Kanuni ya 14(14), na adhabu imezingatia Kanuni ya 14(48).

 Pia Tanzania Prisons imepigwa faini ya sh. 500,000 baada ya gari la Jeshi la Magereza namba MT 0084 aina ya Toyota Land Cruiser Pick Up likiwa na watu 15 kuingia uwanjani kwa nguvu, na kusababisha kupigwa na kuumizwa kwa mlinzi wa getini. Adhabu ni kwa mujibu wa Kanuni ya 42(1). 

Kamishna wa mechi hiyo Jimmy Lengwe kutoka Morogoro amepewa onyo kali kwa kutoripoti baadhi ya matukio ya wazi yaliyotokea kabla ya mechi hiyo kuanza.

Shisha ni uvutaji wa tumbaku uliochanganywa na ladha za matunda mbali mbali kwa kutumia hookah. Hookah ni chombo kinachohifadhi maji na huwa ina mirija kuanzia eneo lakuchoma tumbaku kupitia maji mpaka mirija yakuvutia moshi mdomoni.

Shisha ni kitendo cha burudani iliyoenea nafasi nyingi hapa Tanzania mpaka imekua kitu cha kawaida. Burudani hii siyo tabia ya waafrika ki asili bali ni tabia ya warabu. Warabu huvuta shisha kwasababu ipo ndani ya mila yao. Watu wengi Tanzania wameiga tabia hiyo bila kujua madhara yake.

Uvutaji wa shisha inamadhara mengi kuliko uvutaji wa sigara. Hii ni kwasababu ya muda na idadi ya moshi unaovutwa. Mtu anayevuta sigara huwa anavuta mililita 30 ya moshi mara ishirini. Lakini mtu anayevuta shisha kwa saa moja, huwa anavuta mililita 500 ya moshi mara 200. Kwa ujumla anayevuta sigara anavuta takriban mililita 600 ya moshi wakati anayevuta shisha anavuta mililita 100,000 ya moshi kwa ujumla. Hivyo, mvutaji wa shisha huvuta moshi wa idadi ya sigara 100.

Madhara ya shisha hutokana na madhara yanayosababishwa na tumbaku. Tumbaku husababisha saratani aina 20, ikiwemo saratani ya mapafu, mdomo, koo, figo, kongosho, ini, tumbo na kadhalika. Tumbaku inayo chemikali sumu zinazosababisha saratani. Pamoja na hilo Chemikali sumu ndani ya tumbaku husababisha tatizo la moyo, tatizo la ufizi wa meno, kupunguza nguvu za kiume na tatizo la mapafu kwa ujumla.

Watu wengi wakivuta shisha, huwa wanatumia hookah moja. Tatizo lakutumia hookah moja ni mambukizi ya magonjwa. Kwa mfano; kama mtu moja anayo tatizo la kifua kikuu au kisamayu, kwa kutumia hookah ule ule anaweza kuwaambukiza wenzie.

Wakina dada pia wanapenda kujihusisha na mambo ya shisha. Ni muhimu kwa wale waliokuwa wajawazito waelewe kwamba uvutaji wa shisha huleta madhara kwa mtoto tumboni. Watoto wanaozaliwa kwa wale wanaotumia shisha huwa wanatatizo la mapafu pamoja na uzito mdogo sana.

Tumbaku pia huwa inayo nikotini. Nikotini inasababisha mazoea kwa wavutaji sigara na shisha. Nikotini ndicho kinachofanya mwili ipate mvutio na tumbaku (addiction). Ni vizuri watu waelewe tatizo la kuzoea shisha na ugumu wakuiacha baada yakutengeneza mazoea.

Kuna fikra moja la uwongo kwamba moshi ya shisha Ikipita ndani ya maji, huwa yanatoa chemikali sumu zinazosababisha saratani na nikotini. Huo si kweli. Utafiti zinaonyesha maji hayaondoi chemikali sumu inayopatikana ndani ya tumbaku.

Mbali na wavutaji shisha, wale watu waliokuwa pamoja na wavutaji wanaathirika kwa kuvuta hiyo moshi kwa ina moja au nyingine. Hivyo, wavutaji shisha hawaharibu afya zao tu lakini pia za wengine waliopo karibu nao.

Hizi ni baadhi ya chemikali sumu zinazopatikana ndani ya tumbaku yanaosababisha saratani (Acetaldehyde, Aromatic amines, Arsenic, Benzene, Beryllium, Cadmium, Chromium, Cumene, Ethylene oxide, Formaldehyde, Nickel, Polonium-210, Polycyclic aromatic hydrocarbons, Vinyl chloride).

MAHAKAMA ya Hakimu Mkazi Kisutu, Dar es Salaam, imesema haimwogopi Mbunge wa Singida Mashariki, Tundu Lissu (Chadema), bali wanaomwogopa ni Jamhuri ambao walipewa hati ya kumkamata lakini hawakufanya hivyo.

Hayo yamesemwa  na Hakimu Mkazi Mkuu wa mahakama hiyo, Thomas Simba, wakati kesi ya uchochezi inayomkabili Lissu na wenzake watatu ilipokuwa ikitajwa na Lissu kuonekana mahakamani.

Wakili wa Serikali, Patrick Mwita, alidai jana kesi ilikuwa inatajwa, upande wa utetezi ama mshtakiwa Lissu aeleze kwanini dhamana yake isifutwe kwa kushindwa kufika mahakamani mara mbili.

Alisema mdhamini si mbadala wa mshtakiwa, hivyo aliomba mahakama iheshimiwe na itekeleze jukumu lake la kufuta dhamana.

Kutokana na kauli hiyo ya wakili wa Serikali, hakimu Simba amesema: “Hati ya kumkamata ilitolewa na wewe ukiwapo, hamkumkamata mshtakiwa, leo unasema anaidharau mahakama, nanyi Jamhuri mmeonyesha dharau kwa kutomkamata wakati mlikuwa na wajibu wa kumkamata… sijui mnamwogopa.

“Nafasi yako Lissu ni sawa na washtakiwa wengine, unasafiri hutoi taarifa, usituingize katika migogoro, wewe ni kiongozi, hatukuogopi labda Jamhuri ndio wamekuogopa, nilitoa amri ukamatwe hawakukukamata, hatupambani na wewe tunataka ufuate utaratibu.

“Hatukuonei wala kukuogopa, waliokuleta mahakamani wameogopa kukukamata, wasitake tufikie hatua ya kuishikilia hati yako ya kusafiria, ili kila ukitaka kusafiri ufike kuiomba mahakamani,” alisema Hakimu Simba na Wakili Mwita aliomba radhi mahakama kwa kushindwa kumkamata Lissu.

Mwita aliomba kuahirisha kesi hiyo na Wakili wa utetezi, Peter Kibatala, aliomba kuondoa nia ya kukata rufaa kupinga washtakiwa hao kusomewa shtaka la kwanza na la tano.

Mahakama ilikubali kuahirisha kesi hiyo hadi Desemba 20, mwaka huu kwa kutajwa.

Mbali na Lissu, washtakiwa wengine katika kesi hiyo ni Mhariri wa Gazeti la Mawio ambalo lilifungiwa na Serikali kwa muda usiojulikana, Simon Mkina, mwandishi Jabir Idrisa na mchapishaji wa Kampuni ya Jamana, Ismail Mehboob.

Washtakiwa hao wanakabiliwa na mashtaka ya kula njama kuchapisha chapisho la uchochezi, kuchapisha taarifa ya uchochezi kinyume na Sheria ya Magazeti ya Mwaka 2002.

Wanadaiwa kutenda makosa hayo, kati ya Januari 12 na 14, mwaka huu, jijini Dar es Salaam. Kwamba kwa pamoja waliandika na kuchapisha taarifa za uchochezi zenye kichwa cha habari kisemacho ‘Machafuko yaja Zanzibar’.

KLABU ya Simba imesema kuwa imewabaini wachezaji wake waliocheza chini ya kiwango hadi timu hiyo kupoteza mechi mbili mfululizo katika Ligi Kuu Tanzania Bara.

Simba ambayo tangu kuanza kwa ligi hiyo Agosti ilikuwa haijafungwa hadi wiki moja iliyopita ilipopata vipigo mfululizo, imesema itawachukulia hatua wachezaji hao.

Mwenyekiti wa Kamati ya Usajili ya Simba, Zacharia Hans Poppe amesema timu yao ilipoteza mechi hizo mbili baada ya baadhi ya wachezaji kucheza chini ya kiwango.

Amesema timu yao itawachukulia hatua za kinidhamu wachezaji hao waliocheza chini ya kiwango.

Awali, timu hiyo ilipokea kichapo cha kushtua cha bao 1-0 kutoka kwa timu iliyopanda daraja ya African Lyon kwenye Uwanja wa Uhuru kabla ya kulambwa 2-1 na Prisons ya Mbeya kwenye Uwanja wa Kumbukumbu ya Sokoine.

Hatahivyo, Hans Poppe hakuwataja wachezaji hao wanaodaiwa kucheza chini ya kiwango na kusababisha timu hiyo inayoongoza ligi kupunguza pointi hadi kubaki mbili dhidi ya watani wao Yanga.

Kimsimamo, Simba wana pointi 35 wakati Yanga sasa wamefikisha pointi 33 na kubakisha pointi mbili tu kabla ya kuikuta Simba.

Aidha, Simba pia imedai kuwa timu yao imekuwa ikifungwa kutokana na mbinu chafu za nje ya uwanja.

Akinukuliwa katika mtandao mmoja, Hans Poppe alisema baada ya mwanzo mzuri katika Ligi Kuu, ikiwemo kuwazuia mabingwa watetezi, Yanga kwa sare ya 1-1 wapinzani wao wakaanza mchezo mchafu.

“Hebu jiulizeni, Simba ni timu nzuri tangu mwanzo inacheza vizuri na kushinda, Tumecheza mechi na hao mabingwa, tukiwa pungufu baada ya Mkude (Jonas) kutolewa kwa kadi nyekundu, lakini tukasawazisha bao na refa akakataa bao letu lingine. Iweje ghafla tufungwe mechi mbili mfululizo?” alihoji.

Alisema kuna mbinu chafu zinazofanywa na wapinzani wao na hayo yamekuwa yakijirudia kwa miaka mitano sasa, jambo ambalo ni hatari kwa soka la Tanzania.

Simba SC ilianza vyema Ligi Kuu na kuongoza kwa muda mrefu ikicheza mechi 13 bila kupoteza, ikishinda 11 na sare mbili. Lakini ghafla kibao kikageuka kwenye raundi mbili za mwisho na timu hiyo ikapoteza mechi mbili mfululizo.

Hatahivyo, pamoja na kufungwa mechi mbili mfululizo Simba bado imemaliza duru la kwanza ikiwa kileleni mwa msimamo wa ligi hiyo inayoshirikisha timu 16.

Amesisitiza pia kuwa mpango wa kujenga ukuta upo pale pale.

Katika mahojiano yake ya kwanza tangu ashinde uchaguzi na kuja kuchukua kijiti cha Urais toka kwa Barack Obama, Trump amewahakikishia wafuasi wake kuwa atawatumia wahuni na wauzaji wa madawa ya kulevya wote toka Marekani.

Katika mahojiano kwenye kipindi cha CBS, 60 Minutes, Jumapili jioni, Trump amesema atajenga ukuta kutenganisha Mexico na Marekani kama alivyoahidi kwenye kampeni yake.

inadaiwa kuwa kuna zaidi ya  wahamiaji haramu takriban milioni 10 nchini Marekani.

Ronaldo Mwenye umri wa miaka 31 mkabata wake ulikua unamalizika mwezi Juni 2018, lakini mkataba mpya aliosaini utamuweka kwa miamba hao wa soka wa Hispania mpaka Juni 2021.

Mchezaji huyu amesema "Nilichokua nakitaka ni kuendelea kufurahia kucheza kwa miaka iliyobaki. na bado nina miaka kumi,"

Nyota huyu amefunga mabao 371, toka alipojiunga na Real Madrid akitokea Manchester United, mwaka 2009.

Ronaldo ameisaidia Real Madrid, kutwaa ubingwa wa ulaya mara mbili, ubingwa wa la Liga na mataji mengine.