klabu ya Tanzania Prisons imepata kocha mpya Mbwana
Makata anayechukua mikoba ya David Mwamwaja aliyetimuliwa kazi siku tatu
zilizopita kutokana na mwenendo mbaya uliokuwa nayo timu hiyo.
Msemaji wa Tanzania Prisons Enock Majaaliwa
amesema kuwa wameamua kumpa kazi makata kutokana na kuufahamu vema uwezo
wake na wanamatumani anaweza kubadilisha mwenendo wa timu hiyo kwa kuitoa
kwenye hali mbaya iliyopo kwa sasa.
“Tumemchukua Mbwana Makata kocha ambaye
aliwahi tuliwahi kufanya naye kazi siku za nyuma tumeamua kumrudisha kwa sababu
ya CV yake aliyokuwa nayo tukiamini atakuwa msaada mkubwa wa kuiokoa Tanzania
Prisons isishuke daraja,”amesema Majaliwa.
Mtihani wa kwanza kwa Mbwana Makata utakuwa Jumapili
dhidi ya Stand United pambano likipigwa kwenye uwanja wa Sokoine Jijini Mbeya
kabla ya kutua Prisons Makata alikuwa akiifundisha timu ya JKT Oljoro iliyokuwa
ikipambana kupanda daraja kucheza ligi kuu msimu ujao lakini haikuweza
kufanikiwa ikikosa pointi moja nyuma ya Toto Afrika ya Mwanza.
Post a Comment