MESS APIGA HAT-TRICK BADO MBILI TU AMFIKIE RONALDO

wakali wa pasi katika ligi ya Hispania, La Liga, FC Barcelona wameinyuka mabao 5-0 Levante katika mechi ya ligi iliyomalizika usiku huu.

Mshambuliaji tishio duniani na mpinzani mkubwa wa mwanasoka bora wa dunia, Cristiano Ronaldo, Muargentina Lionel Messi amepiga mabao matatu peke yake ‘Hat-trick’.

Mbrazil, Neymar ameanza kuandika karamu ya mabao katika dakika ya 17′ na dakika ya 38′ Messi ameifungia Barca bao la pili.

Dakika ya 59′ Messi mkali wa mguu wa kushoto ameandika bao la tatu na katika dakika ya 66′ akaandika bao la nne kwa mkwaju wa penalti.

Muurguay, Luis Suarez amekamilisha karamu ya mabao baada ya kufunga bao la tano katika dakika ya 73′.

Katika mechi nyingine, Valencia imeinyuka 1-0 Getafe, wakati mechi inayoendelea sasa ni baina ya Rayo Vallecano na Villarreal.

Baadaye majira ya saa 5:00 usiku Celta Vigo watachuana na Atletico Madrid.

Pos.	Player	Goals	Team
1	Cristiano Ronaldo	28	Real Madrid
2	Lionel Messi	26	FC Barcelona
3	Neymar	17	FC Barcelona
4	Carlos Bacca	13	Sevilla FC
5	Antoine Griezmann	12	Atlético Madrid
5	Karim Benzema	12	Real Madrid
7	Mario Mandžukic	11	Atlético Madrid
8	Gareth Bale	10	Real Madrid
8	Luciano Vietto	10	Villarreal CF
10	Sergio Garciá	9	RCD Espanyol
10	Christian Stuani	9	RCD Espanyol

chanzo 

shaffih dauda