Kwa Wagombea nafasi ya Urais TFF
waliowekewa pingamizi ni Athumani J Nyamlani ambae amewekewa pingamizi
na Mintanga Yusuph Gacha na Medard Justiniani huku Mgombea mwingine wa
Urais, Jamal Malinzi, akipingwa na Agapo Guo.
Michael Wambura anaeomba nafasi ya Makamu wa Rais Tff amepingwa na Josea Samuel Msengi na Said Rubea Tamim.
Wagombea wengine waliowekewa pingamizi
ni wale wa nafasi ya Ujumbe wa Kamati ya Utendaji TFF ambao ni Epaphra
Swai, Eliud P. Mvella na Athumani K. Kambi.
Kwenye TPL Board pingamizi lipo kwa
Wagomgea nafasi ya Mwenyekiti ambao ni Hamad Yahya Juma aliwekewa
pingamizi na Frank M. Mchaki na Yusuf Manji aliwekewa pingamizi na
Daniel T. Kamna na Juma Ally Magoma.
Mgombea nafasi ya Makamu Mwenyekiti wa TPL Board, Said Mohamed, yeye amewekewa pingamizi na Frank M. Mchaki.
Kamati ya Uchaguzi ya TFF itakaa Jumatano Januari 30 kupitia pingamizi hizo.
Release No. 014
TAARIFA KWA VYOMBO VYA HABARI
Januari 27, 2013
PAMBANO LA LYON, SIMBA LAINGIZA MIL 53/-
Mechi namba 92 ya Ligi Kuu ya Vodacom
iliyochezwa jana (Januari 27 mwaka huu) Uwanja wa Taifa, Dar es Salaam
na kumalizika kwa Simba kuibuka na ushindi wa mabao 3-1 limeingiza sh.
53,756,000.
Watazamaji 9,408 walikata tiketi
kushuhudia mechi hiyo iliyochezwa kwa viingilio vya sh. 5,000, sh.
8,000, sh. 15,000 na sh. 20,000 huku kila klabu ikipata mgawo wa sh.
12,499,752.45 wakati Kodi ya Ongezeko la Thamani (VAT) iliyolipwa ni sh.
8,200,067.80.
Mgawo mwingine wa mapato hayo ni
asilimia 15 ya uwanja sh. 6,355,806.33, tiketi sh. 3,183,890, gharama za
mechi sh. 3,813,483.80, Kamati ya Ligi sh. 3,813,483.80, Mfuko wa
Maendeleo ya Mpira wa Miguu (FDF) sh. 1,906,741.90 na Chama cha Mpira wa
Miguu Mkoa wa Dar es Salaam (DRFA) sh. 1,483,021.48.
Boniface Wambura
Ofisa Habari
Shirikisho la Mpira wa Miguu Tanzania (TFF)
Post a Comment