Ronaldo asaini mkataba mpya Real Madrid.

Klabu ya Real Madrid imethibitisha kuwa winga wa kimataifa toka Ureno Cristiano Ronaldo amekubali kusaini mkataba mpya na klabu hiyo baada ya mazungumzo ya muda mrefu yaliyotishia mustakabali wa muda mrefu wa mchezaji huyo ndani ya klabu ya Real Madrid .

Ronaldo amesaini mkataba wa miaka mitatu utakaomfanya akae Real Madrid hadi mwaka 2018 ambapo atakuwa analipwa mshahara wa paundi milioni 14.7 kwa mwaka .

Mkataba huo unaua rasmi matumaini ya klabu ya Manchester United ya kumrudisha nyumbani mchezaji huyo kama zilivyokuwa zinadai tetesi za vyombo vya habari huko England.